कराड विमानतळ विस्तारिकरणाला गती द्या - विजय शिवतारे कराडच्या पत्रकारांच्यावतीने मंत्री विजय शिवतारे यांचा सत्कार

कराड दि.११ (लक्ष्मीपुत्र) - कराड विमानतळ विस्तारीकरणातील बाधितांच्या पुनर्वसनाचा प्रश्‍न तातडीने मार्गी लावून विमानतळ विस्तारीकरणाला गती द्या, अशा सूचना पालकमंत्री विजय शिवतारे यांनी आज कराडच्या प्रांताधिकाऱ्यांना केली.
 श्री विठ्ठल रूक्‍मिणी समितीचे अध्यक्ष अतुल भोसले यांनी श्री.विजय शिवतारे यांची भेट घेवून स्वागत केले.सातारा जिल्हय़ाचे पालकमंत्री विजयबापू शिवतारे यांचा कराडच्या पत्रकारांच्यावतीने सत्कार करण्यात आला.दैनिक  लोकसत्ताचे प्रतिनिधी विजय पाटील, दैनिक सामनाचे प्रतिनिधी गोरख तावरे, दैनिक सकाळचे प्रतिनिधी हेमंत पवार,दैनिक सकाळचे प्रतिनिधी सचिन देशमुख, मुक्त पत्रकार  प्रमोद तोडकर उपस्थित होते.

पालकमंत्री श्री. विजय शिवतारे येथील शासकीय विश्रामगृहात मुक्कामी होते. आज सकाळी श्री.विजय शिवतारे यांनी प्रांताधिकारी हिम्मत खराडे यांच्याकडून विमानतळ विस्तारीकरणाच्या कामाचा आढावा घेतला. त्यावेळी प्रांताधिकाऱ्यांनी 28 बाधित खातेदारांशी कालच बैठक झाल्याचे सांगून त्यांना पुनर्वसन पॅकेजसंदर्भात माहिती दिल्याचे स्पष्ट केले. 28 बाधित खातेदारांी सकारात्मक भूमिका असल्याचेही सांगितले. त्यामुळे लवकरच पुनर्वसनाचा प्रश्‍न मार्गी लागेल असे सांगितले. त्यावर तातडीने हा प्रश्‍न मार्गी लावून विस्तारीकरणाच्या कामाला गती द्या. नाईट लॅंडीगची सोय आहे का याचीही त्यांनी माहिती घेतली. 

कराडकर मठाचे विश्‍वस्ताच्या वादासंदर्भात मठाधिपती बाजीरावमामा कराडकर यांनी पालकमंत्री विजय शिवतारे यांची भेट घेतली. त्यांच्यासमवेत शिवसेनेचे जिल्हा उपप्रमुख रामभाऊ रैनाक, शशिकांत हापसे, प्रमोद तोडकर, रणजित पाटील उपस्थित होते. बाजीराव मामा कराडकर यांनी त्यांच्यावर विश्‍वस्तांकडून होत असलेल्या अन्यायाबद्दल माहिती दिली. यावेळी श्री. विजय शिवतारे यांनी मठाची व त्याच्या उत्पन्नाची माहिती घेतली. यावेळी त्यांनी दुसऱ्यांदा मठाधिपतीची निवडी झाल्याबद्दल आश्‍चर्य व्यक्त केले. 

जिल्ह्याच्या पालकमंत्रीपदाची सूत्रे घेतल्यापासून कराडकडे दुर्लक्ष झाल्याच्या प्रश्‍नावर श्री. विजय शिवतारे यांनी त्यास होकार देत यापुढे तसे होणार नसल्याचे सांगितले. ते म्हणाले, पक्षाचा कोणताही कार्यक्रम नसल्याने येथे येता आले नाही ही वस्तुस्थिती आहे. मात्र जिल्हा नियोजन समितीची एखादी बैठक कराडला घेण्यासंदर्भात विचार सुरू आहे. त्यामुळे यापुढे कराडकडे दुर्लक्ष होणार नसल्याचे सांगून येथील शासकीय कृषी महाविद्यालयाच्या जागेचा एक प्रश्‍न मार्गी लावला आहे. असेही मंत्री विजय शिवतारे यांनी यावेळी सांगितले