लक्ष्मीपुत्र

मलकापूर नगरपालिकेचा निवडणूक कार्यक्रम जाहीर झाला आहे. यामुळे आता मलकापूरमध्ये राजकीय आरोप-प्रत्यारोप सुरू होतील. वास्तविक निवडणुका म्हटल्या की आरोप-प्रत्यारोप होणार. कारण प्रत्येक राजकीय पक्षाला सत्ता हवी असते, यामध्ये काही गैर आहे असे नाही. दरम्यान आरोपाची पातळी घसरली नाही पाहिजे, याचे भान मात्र सर्वांनीच पाळले पाहिजे.कसे असेल मलकापूर निवडणुकीतील राजकीय चित्र. याचा विचार केला गेला तर माजी मुख्यमंत्री व विद्यमान कराड दक्षिण विधानसभा मतदारसंघाचे आमदार पृथ्वीराज चव्हाण विरुद्ध विठ्ठल रुक्मिणी मंदिर समितीचे अध्यक्ष नामदार डॉ. अतुल भोसले या दोघांच्या गटामध्ये मलकापूरमध्ये राजकीय संघर्ष पहावयास मिळेल. दरम्यान पृथ्वीराज चव्हाण यांचा गट सांभाळणार आहेत माजी उपनगराध्यक्ष मनोहर शिंदे. तर डॉ. अतुल भोसले यांच्या बाजूने ज्येष्ठनेते, शेतीमित्र अशोकराव थोरात गड लढणार आहेत. दरम्यान काँग्रेस विरुद्ध भाजप अशी सरळ लढत मलकापूर नगरपालिका निवडणुकीमध्ये पहावयास मिळणार आहे. काँग्रेस व भाजपाने आत्तापर्यंत उमेदवारांची चाचपणी केली असून इच्छुक उमेदवारांच्या मुलाखती घेतल्या आहेत. अर्ज भरण्याच्या दिवसापासू...

सातारा जिल्हा हा राजकीय व सामाजिक दृष्ट्या जागृत आहे त्याचबरोबर सातारा जिल्ह्यातील आमदार विकास निधी आणण्यासाठी कुठेही कमी पडत नाहीत हे निदर्शनास येत आहे शासन स्तरावरून विकास कामासाठी निधी आणलेला पाहता आमदार बाळासाहेब पाटील आमदार शंभूराज देसाई णि विठ्ठल-रुक्‍मिणी मंदिर समितीचे अध्यक्ष डॉक्टर अतुल भोसले कोठेही कमी पडले नाहीत हे निदर्शनास येत आहे सर्वसामान्य जनतेला प्राथमिक सुविधा मिळाल्या पाहिजेत यासाठी लोकप्रतिनिधी सातत्याने प्रयत्न करीत आहेत. दोन आमदार व एक नामदार यांनी आपल्या मतदारसंघासाठी शासनाकडून आणलेला निधीचा गौरव झाला पाहिजे. कराड शहराची हद्दवाढ झाली आहे. या हद्दवाढ विभागात अनेक विकासकामे करणे आवश्यक आहे. यासाठी राज्य शासनाकडून अधिकचा निधी प्राप्त होणे आवश्यक होते. याकरिता श्री विठ्ठल-रुक्‍मिणी मंदिर समितीचे अध्यक्ष डॉ. अतुल भोसले यांनी वाखानरोड व बैलबाजार परिसराच्या विकासासाठी राज्य शासनाकडून निधी मिळविला आहे. या नागरी सुविधांसाठी ३ कोटी १० लाखांचा निधी मंजूर झाला आहे. तो लवकरच प्राप्त होईल आणि हद्दवाड भागांमध्ये विकास कामांचा धूमधडाका सुरू होईल. याचबरोबर...

कराड  - सातारचे खासदार छत्रपती उदयनराजे भोसले यांची भाजपशी  वाढणारी सलगीबाबत विचारले असता "याची चिंता करू नये, त्यांची काळजी घेण्यास आम्ही समर्थ आहोत, खासदार उदयनराजे भोसले यांचे काय करायचे ते ठरवू असे खासदार शरद पवार म्हणाले. आमदारविक्रमसिह पाटणकर यांच्या अमृतमहोत्सवी वाढदिवसानिमित्त पाटण येथे आल्यानंतर खासदार शरद पवार पत्रकारांशी बोलत होते. यावेळी राष्ट्रवादी काँग्रेस पार्टीचे प्रदेशाध्यक्ष जयंत पाटील उपस्थित होते. मराठा समाजाला दिलेल्या आरक्षणाबाबत  खासदार शरद पवार यांना  विचारले असता ते म्हणाले, एखाद्या समुहाबाबतच्या सामाजिक आरक्षणासंदर्भात निर्णय घ्यावयाचा असल्यास राष्ट्रपती नोटिफिकेशन काढून निर्णय घेऊ शकतात. केंद्र सरकारने याबाबत घटनादुरुस्ती केली आहे. महाराष्ट्र सरकारने मराठा समाजाला आरक्षण देताना ही घटनादुरुस्ती लक्षात घेतलेली आहे किंवा नाही हे मला माहीत नाही. त्यामुळे मराठा आरक्षण कायद्याच्या पातळीवर टिकेल का ? असा प्रश्न निर्माण झाला आहे. याबाबत काही घटना तज्ञांनी माझ्याकडे शंका व्यक्त केली आहे. या पार्श्वभूमीवर सरकारने मराठा आरक्षणाबाबत कार्यवा...

पश्चिम महाराष्ट्रामधील काही जिल्ह्यातील तालुके अद्यापही पाण्याविना वंचित आहेत. पश्चिम महाराष्ट्रातील सातारा जिल्ह्यात सर्वाधिक धरणांची संख्या आहे. धरणांचा जिल्हा म्हणून सातारा जिल्ह्याची नवी ओळख निर्माण झाली आहे. सातारा जिल्ह्याने पश्चिम महाराष्ट्राबरोबर महाराष्ट्राचे वरदायिनी असलेले कोयना धरण पाटण तालुक्यांत आहे. टेंभू योजनाही कराड तालुक्यातील टेंभू गावात आहे. सातारा, सांगली व सोलापूर जिल्ह्यातील एकूण 7 तालुक्यांच्या सिंचनासाठी महत्त्वाच्या असलेल्या टेंभू उपसा सिंचन योजनेच्या  4 हजार 88 कोटी 94 लाख रुपयांच्या प्रस्तावास मंत्रिमंडळाने प्रशासकीय मान्यता दिली आहे. टेंभू योजनेचा अल्प फायदा कराड तालुक्याला होणार आहे . कारण तालुक्यांतील दोन गावांचा समावेश या योजनेमध्ये आहे. तर टेंभू योजनेमध्ये पाणी अडविल्याने पाण्याचा फुगवटा कराड शहरातील कृष्णा नदीला येत असतो. पाणी अडवल्यामुळे नदीमध्ये मिसळणारे इतर सांडपाण्यामुळे कृष्णा नदीच्या पाण्याला दुर्गंधीयुक्त वास येत असतो. टेंभू योजनेमुळे अवर्षण प्रवण भागातील 240 गावांना सिंचनाचा लाभ होणार आहे. दोनशे चाळीस गावातील नागरिकांना या योजने...

पंढरपूरचा विठ्ठल हा अखंड महाराष्ट्राचे आराध्य दैवत आहे. कष्टकऱ्यांचा देव म्हणून विठ्ठलाकडे पाहिले जाते. लाखो वारकरी दरवर्षी अनवाणी पायाने विठ्ठलाच्या दर्शनासाठी जात असतात. महाराष्ट्रामध्ये मोठय़ा प्रमाणात वारकरी संप्रदाय आहे. याचा विचार करून पंढरपूर येथील श्री विठ्ठल रुक्मिणी मंदिर समितीने अत्याधुनिक सोयी सुविधेसह भक्त निवास बांधले आहे. विशेष म्हणजे आयजीबीसी या संस्थेने या इमारतीला मानाकन दिले असून पहिली “ग्रीन बिल्डींग” ठरली आहे. या भक्त निवासामध्ये सुमारे १२०० भाविक मुक्काम करू शकतील, अशी उभारणी केली आहे. श्री विठ्ठल रुक्मिणी मंदिर समितीचे अध्यक्ष डॉ. अतुल भोसले यांनी दूरदृष्टीने भक्तनिवासाची उभारणी केली आहे. याचा रास्त अभिमान व आनंद वारकरी संप्रदायातील वारकऱयांना झाला. मात्र स्थानिक पंढरपूरकर वासियांना याचा आनंद झालेला दिसत नाही. भक्त निवासाची चर्चा होण्यापेक्षा भक्तनिवास लोकार्पण सोहळ्याचे राजकारण नाट्यावर चर्चा सुरू आहे. डॉ. अतुल भोसले यांनी लोकार्पण सोहळ्यासाठी कराड मधून कार्यकर्ते कार्यक्रमासाठी वारकरी म्हणून आणले असा आरोप त्यांच्यावर केला जात आहे. याचा अर्थ असा होतो की, ज...

मुंबई  (प्रतिनिधी) - महाराष्ट्रातील वृत्तपत्रांच्या समस्याबाबत सघटनेच्या राज्य पदाधिकारी यांच्याबरोबर चर्चा करून व अडचणी समजावून घेवून त्या सोडवण्यासाठी स्वत: लक्ष घालून प्रयत्न करणार असल्याची हमी प्रेस कौन्सिल ऑफ इंडियाचे सदस्य श्री. के. डी. चन्दोलाजी यांनी दिली.तर पत्रकार व वृत्तपत्रांच्या समस्या सोडवण्यासाठी प्रयत्न करणार असल्याचेही त्यांनी सांगितले. असोसिएशन ऑफ स्मॉल अँड मिडियम न्यूजपेपर्स ऑफ इंडियाचे राष्ट्रीय अध्यक्ष व प्रेस कौन्सिल ऑफ इंडियाचे सदस्य श्री. के. डी. चन्दोलाजी प्रेस कौन्सिल ऑफ इंडियाच्या बैठकीसाठी मुंबई येथे १६ ते २१ डिसेंबर या सहा दिवसांच्या महाराष्ट्र दौच्यावर आले होते. यावेळी महाराष्ट्रातील पदाधिकारी यांचेसोबत सह्याद्रि अतिथीगृहावर बैठक होऊन महाराष्ट्रातील छोटय़ा व मध्यम वृत्तपत्राबद्दल सविस्तर चर्चा करण्यात आली. यावेळी संघटनेचे महाराष्ट्राभर सुरू असलेल्या कामाचा सविस्तर अहवाल सादर करण्यात आला. राज्य अध्यक्ष आप्पासाहेब पाटील, उपाध्यक्ष प्रविण पाटील, संघटक गोरख तावरे, संघटन सचिव नेताजी मेश्राम, नागपुर विभागीय अध्यक्ष मुंकुंद जोशी उपस्थीत होते. ...

कराड दि.१८ (लक्ष्मीपुत्र ) - दि.कराड आर्किटेक्ट अॅण्ड इंजिनिअरर्स असोसिएशन संस्थेच्या 51 व्या अभियंता दिनानिमित्त देण्यात येणारा सर विश्वेश्वरय्या पुरस्कार’ जलसंधारण पुणे तथा प्रभारी व्यवस्थापकीय संचालक जलसंधारण महामंडळाचे ( संभाजीनगर ) मुख्य अभियंता सुनिल कृशिरे, यांना देण्यात येणार असल्याची घोषणा संस्थेचे अध्यक्ष दिपक रैनाक यांनी पत्रकार परिषदेत केली. यावेळी उपाध्यक्ष राजेश पटेल, सचीव सचीन सुर्यवंशी, खजिनदार विजय गायकवाड, अजित पाटील, प्रकाश पाटील, रविराज शिंदे, श्रीधर इनामदार, दिग्वीजय जानुगडे, धैर्यशिल यादव, अजिंक्य पाटील उपस्थितीत होते. सुनिल कुशिरे यांना इमेज वेलफेअर अचिव्हर्स फोरमकडून मानाचा” राष्ट्रीय जलसिंचन अवॉर्ड" ने गौरविण्यात आले होते अशा कर्तबगार अभियंत्यास दि. कराड आर्किटेक्स अॅण्ड इंजिनिअर्स असोसिएशनच्यावतीने देण्यात येणारा “ सर विश्वेश्वरय्या पुरस्कार, मानपत्र देवून कर्तव्यदक्ष प्रशासकाच्या समर्पित कारकिर्दीचा गौरव करण्यात येणार आहे. पुरस्कार प्रदान सोहळा 20 डिसेंबर रोजी सायं. 5.वा. यशवंतराव चव्हाण स्मृति सदन, या ठिकाणी आयोजित केला आहे. महसुल व बांधक...