लक्ष्मीपुत्र

शेतकर्‍यांचे पंचनामे करून हेक्टरी पाच हजार अति तातडीची मदत तात्काळ द्यावी  कारखान्यांची थकित एफ.आर.पी. पूर्ण करण्यासंदर्भात तहसिलदार अमरदीप वाकडे यांना निवेदन  बळीराजा शेतकरी संघटनेची मागणी                 कराड (प्रतिनिधी) -  बळीराजा शेतकरी संघटनेच्यावतीने जिल्हाधिकारी यांना सातारा जिल्ह्यातील साखर कारखान्यांची थकित एफ आर पी पूर्ण करण्यासंदर्भात तहसिलदार अमरदीप वाकडे यांना निवेदन देण्यात आले.               गेली दोन ते तीन महिने सर्वजण कोरोना सारख्या रोगाविरूध्द लढा देत आहोत. कोरोनाच्या काळात सगळ्यात जास्त नुकसान शेतकर्‍यांचे झाले आहे.उभ्या पिकात जनावरे सोडून द्यायची वेळ शेतकर्‍यांच्यावर आली असून उभी पिके बाजारपेठ नसल्यामुळे शेतातच पडून राहिलेली आहेत.त्यामुळे शेतकर्‍यांचे मोठे नुकसान झाले आहे. त्या शेतकर्‍यांचे पंचनामे करून हेक्टरी पाच हजार अति तातडीची मदत तात्काळ द्यावी अशी मागणी शेतकरी संघटनेच्यावतीने करण्यात आली आहे.तसेच एफ.आर.पी.14 दिवसात देणे बंधनकारक असतानाही व तसा काय...

मोरगिरी, पेठ्शिवापूर व गोकुळ तर्फ पाटण  ग्रामपंचायत प्रशासनाची लगबग                               मोरगिरी लक्ष्मीपुत्र (दिपक मांडावकर) -  कोरोना संसर्गाचा फैलाव मोरगिरी भागात वाढला आहे. मोरगिरी भागातही कोरोना बाधित रुग्ण सापडले असल्याने खबरदारीच्या उपाययोजना राबवण्यात येत आहेत. याच पार्श्वभूमीवर पाटण तालुक्यातील मोरगिरी भागातील गावात ग्रामपंचायती मार्फत घरोघरी जाऊन अंगणवाडी सेविका, मदतीनीस, आशा सेविका यांच्या साह्याने सॅनिटायजरचे वाटप करून कोरोना पासून बचाव करण्यासाठी करावयाचे उपाय कोणकोणते आहेत ते सांगितले जात आहे. त्याच बरोबर भागात रुग्ण सापडले असल्यामुळे कोणीही कामाव्यतिरिक्त घराबाहेर पडू नये. गर्धीच्या ठिकाणी जाणे टाळावे. बाहेर पडल्यास तोंडाला रुमाल किवा मास्क लावावेत. दर अर्ध्या तासाला आपले हात स्वच्छ साबणाने धुवावेत व नंतर हाताला सॅनिटायजर लावून ‘ घरी रहा सुरक्षित रहा ‘ असे संदेश येथील ग्रामपंचायत प्रशासनाकडून देण्यात येत आहे.            याच पार्श्वभूमीव...

यशवंत बँक नेहमीच सामाजिक उपक्रमात आघाडीवर            कराड (लक्ष्मीपुत्र) - यशवंत बँक नेहमीच सामाजिक उपक्रमात आघाडीवर असते. लॉकडाऊनमुळे सध्या सर्वच रक्तपेढ्यांमध्ये रक्ताचा तुटवडा आहे. यासाठी यशवंत बँकेने कराडमधील यशवंतराव चव्हाण ब्लड बँकेच्या सहकार्याने आज रक्तदान शिबिराचे आयोजन केले होते. यास रक्तदात्यांनी उत्स्फूर्त प्रतिसाद दिला.           बँकेचे अध्यक्ष शेखर चरेगांवकर, संचालक प्रा.श्रीकृष्ण जोशी, मुख्य कार्यकारी अधिकारी धनंजय डोईफोडे, उपमुख्य कार्यकारी अधिकारी वैशाली मोकाशी, उद्योजक मुकुंद चरेगांवकर, माजी नगरसेवक घन:श्याम पेंढारकर, नितीन वास्के किरण मुळे समाधान चव्हाण सातिश देशमुखा यांच्या उपस्थितीत शिबिराचे उद्घाटन झाले.          बँकेचे सेवक, सामाजिक कार्यकर्ते व उद्योजकांसह ४० हून अधिक रक्तदात्यांनी रक्तदान करून या शिबिराचा लाभ घेतला.या उपक्रमाबद्दल समाजातील सर्व स्तरातून यशवंत बँकेचे कौतुक होत आहे.

कृष्णा हॉस्पिटलमधून 4 कोरोनामुक्त युवकांना डिस्चार्ज            कराड (लक्ष्मीपुत्र) - कराड तालुक्यातील म्हासोली, नांदगाव आणि शामगाव येथील एकूण 4 कोरोनामुक्त युवकांना आज कृष्णा हॉस्पिटलमधून टाळ्यांच्या गजरात डिस्चार्ज देण्यात आला. आत्तापर्यंत कृष्णा हॉस्पिटलमधून एकूण 81 कोरोनामुक्त रूग्णांना डिस्चार्ज देण्यात आला आहे.           म्हासोली येथील 32 वर्षीय पुरुष, 33 वर्षीय पुरुष, नांदगाव येथील 22 वर्षीय व  शामगाव येथील 22 वर्षीय युवक गेले काही दिवस कृष्णा हॉस्पिटलच्या कोरोना विशेष वार्डमध्ये उपचार घेत होते. त्यांचे उपचारनंतरचे अहवाल निगेटीव्ह आल्याने आज त्यांना टाळ्यांच्या गजरात डिस्चार्ज देण्यात आला.           यावेळी सहाय्यक पोलीस निरीक्षक विजय गोडसे, पोलीस उपनिरीक्षक आर. एल. डांगे, अशोक भापकर यांच्या हस्ते कोरोनामुक्त झालेल्या युवकांचा पुष्पगुच्छ व प्रमाणपत्र देऊन सत्कार करण्यात आला.           याप्रसंगी तालुका वैद्यकीय अधिकारी डॉ. संगीता देशमुख, कृष्णा हॉस्पिटलचे वैद्यकीय...

सातारा जिल्ह्याच्या व्हिडीओ कॉन्फ्रान्सद्वारे बैठकीस सहकार व पणन मंत्री तथा सातारा जिल्ह्याचे पालकमंत्री ना. बाळासाहेब पाटील सहभागी           कराड (लक्ष्मीपुत्र) - सद्य स्थितीमध्ये कोरोना (कोविड 19 ) संसर्गजन्य परिस्थिती विचारात घेऊन संतश्रेष्ठ श्री ज्ञानेश्वर महाराज व जगद्गुरू संत श्री तुकाराम महाराज आषाढी वारी पालखी सोहळा कशाप्रकारे योग्य त्या  प्रतिबंधात्मक उपाययोजनांसह पार पाडता येईल याबाबत बैठक उपमुख्यमंत्री मा.अजितदादा पवार यांच्या अध्यक्षतेखाली विभागीय आयुक्त कार्यालय, विधानभवन पुणे येथे, पुणे, सातारा, सोलापूर जिल्ह्यातील अधिकारी व पदाधिकारी यांची संयुक्त बैठक व्हिडिओ कॉन्फ्रान्सद्वारे पार पडली.           जिल्हाधिकारी कार्यालय सातारा येथून प्रस्तुत बैठकीस राज्याचे सहकार व पणन मंत्री तथा सातारा जिल्ह्याचे पालकमंत्री मा.नामदार बाळासाहेब पाटील, जिल्हाधिकारी शेखर सिंह, पोलीस अधिक्षक तेजस्वी सातपुते व इतर पदाधिकारी व्हिडीओ कॉन्फ्रान्सद्वारे  सहभागी होते.            सदर बैठकीस सोलापूर चे म...

  म्हासोली येथील आणखी 5 जण कोरोनामुक्त          कराड (लक्ष्मीपुत्र) - कराड तालुक्यातील  म्हासोली, इंदोली, भरेवाडी आणि मेरमेवाडी येथील एकूण ९ कोरोनामुक्त रुग्णांना आज कृष्णा हॉस्पिटलमधून टाळ्यांच्या गजरात डिस्चार्ज देण्यात आला. यामध्ये म्हासोली येथील 5 कोरोनामुक्त रुग्णांचा समावेश असल्याने, सलग दुसऱ्या दिवशी म्हासोलीकरांना दिलासा मिळाला आहे. आत्तापर्यंत कृष्णा हॉस्पिटलमध्ये एकूण ७७ कोरोनामुक्त रूग्णांना डिस्चार्ज देण्यात आला आहे.          वनवासमाची आणि मलकापूरनंतर हॉटस्पॉट बनलेल्या म्हासोली गावातील ८ कोरोनामुक्त रुग्णांना गुरुवारी (ता. २८) डिस्चार्ज देण्यात आला. पण पुन्हा त्याच दिवशी रात्री आलेल्या अहवालात म्हासोली येथे पुन्हा ८ नव्या कोरोनाग्रस्त रुग्णांची भर पडली. त्यामुळे कोरोनामुक्तीचा आनंद फार काळ टिकला नाही.          दरम्यान, गेले काही दिवस कृष्णा हॉस्पिटलच्या कोरोना वॉर्डमध्ये उपचार घेत असलेली म्हासोली येथील ६० वर्षीय महिला, ५० वर्षीय पुरुष, ४० वर्षीय पुरुष, ५० वर्षीय पुरुष आणि १२ वर्षी...

तारण कर्जाची मर्यादा ५ लाख प्रति शेतकरी. वखार महामंडळाकडून शेतकऱ्यांना साठवणूक भाडयात ५० टक्के सवलत.               कराड (लक्ष्मीपुत्र) - कोरोनाच्या पार्श्वभूमीवर लॉकडाऊनच्या कालावधीत शेतकऱ्यांना शेतमाल बाजारपेठेत घेऊन जाताना काही अडचणी आल्या किंवा शेतमालास योग्य किंमत मिळत नसल्यास नजीकच्या महाराष्ट्र राज्य वखार महामंडळाच्या गोदामांमध्ये मालाची साठवणूक करता यावी आणि प्राप्त गोदाम पावतीवर ऑनलाईन पद्धतीने तारण कर्ज उपलब्ध व्हावे, यासाठी राज्य वखार महामंडळ आणि राज्य सहकारी बँक यांच्या संयुक्त विद्यमाने ऑनलाईन तारण कर्ज योजना सुरू करण्यात आली आहे. ही योजना प्रायोगिक तत्त्वावर तीन महिन्यांसाठी राबवण्यात येत आहे व यासाठी मिळणारा प्रतिसाद पाहून इतर बँकांच्या माध्यमातूनही सुरू करण्याचा प्रस्ताव शासनाच्या विचाराधीन असल्याची माहिती पणन व सहकार मंत्री ना. बाळासाहेब पाटील यांनी दिली.            राज्य वखार महामंडळाची राज्यात विविध  ठिकाणी गोदामे असून सार्वजनिक वितरण व्यवस्थेअंतर्गत अन्नधान्य तसेच शेतमाल, औद्योगिक मालाची म...

श्री शिवाजी माध्यमिक सेवक सहकारी पतसंस्था मर्या.कराड यांच्या वतीने  मुख्यमंत्री सहायता निधीसाठी मदतीचा हात              कराड (लक्ष्मीपुत्र) -  कोरोनाचे संकट काळात मुख्यमंत्री सहायता निधीसाठी अनेकजण मदतीचा हात पुढे करीत आहेत.सहकार व पणन मंत्री तथा सातारा जिल्ह्याचे पालकमंत्री बाळासाहेब पाटील यांच्याकडे मुख्यमंत्री सहायता निधीसाठी धनादेश देणाऱ्यांची संख्या दिवसेंदिवस वाढत आहे. श्री शिवाजी माध्यमिक सेवक सहकारी पतसंस्था मर्या.कराड यांच्यावतीने शिवाजी शिक्षण संस्था ट्रस्ट कराडचे अध्यक्ष जयंत पाटील (काका), खजिनदार संजय बदीयानी, श्री शिवाजी माध्यमिक सेवक सहकारी पतसंस्था मर्या कराड चे चेअरमन मोहन कदम, सेक्रेटरी भास्कर थोरात यांनी मुख्यमंत्री सहाय्यता निधी कोविड 19 साठी १,०००००/- रुपयेचा धनादेश महाराष्ट्र राज्याचे सहकार व पणन मंत्री तथा सातारा जिल्ह्याचे पालकमंत्री मा.नामदार बाळासाहेब पाटील यांच्याकडे सुपूर्त केला.            लॉकडाउनमुळे अनेक संस्था, लहान- मोठे उद्योगधंदे बंद आहेत.तसेच जनतेस जीवनावश्यक वस्तूंच...

कृष्णा हॉस्पिटलमधील अन्य वैद्यकीय सेवांना पूर्ववत प्रारंभ     कराड (लक्ष्मीपुत्र) -  येथील कृष्णा हॉस्पिटलमधील बाह्यरूग्ण विभाग व आंतररूग्ण विभाग आरोग्यसेवा नेहमीप्रमाणेच सुरू असून नागरिकांनी त्याचा लाभ घ्यावा ,  असे आवाहन हॉस्पिटलचे वैद्यकीय संचालक डॉ. ए. वाय. क्षीरसागर यांनी केले आहे.              कोरोनाविरूद्धच्या लढाईत कृष्णा हॉस्पिटल सुरवातीपासून आघाडीवर आहे. याठिकाणी कोरोनासाठी स्वतंत्र वेगळा वॉर्ड तयार करण्यात आला असून ,  या रूग्णांवर उपचार करण्यासाठी स्वतंत्र स्टाफही तैनात करण्यात आला आहे. मात्र कृष्णा हॉस्पिटलमध्ये केवळ कोरोनाचेच उपचार सुरू आहेत ,  असे समजून अन्य गंभीर आजार असलेले रूग्ण स्वत:ची नियमित तपासणी अथवा त्यावरील उपचार पुढे ढकलत आहेत. विशेषत: कॅन्सरग्रस्त असलेले रूग्ण किमोथेरपी किंवा त्यांचे अन्य उपचार घेण्यास टाळाटाळ करत आहेत. आरोग्याच्या दृष्टीने हे हानीकारक असून ,  अन्य गंभीर आजार असणार्‍या रूग्णांनी स्वत:वरील उपचारासाठी कृष्णा हॉस्पिटलच्या बाह्यरूग्ण विभाग व...

सी.पी.आर. मधील डॉक्टरांच्या हलगर्जीपणामुळे युवकाचा मृत्यू            हुपरी लक्ष्मीपुत्र (विनोद खोत) - हातकणंगले तालुक्याती रेंदाळ येथील महेश ऊर्फ  संभाजी सुभेदार ( वय ३२ ) या तरुणास शुक्रवारी सायंकाळी सर्पदंश झाला.           दरम्यान ऊपचारासाठी हुपरी व तेथून कोल्हापूर येथील सी.पी.आर. मध्ये घेवून गेले असता विषारी सर्पदंश होऊनही काळजीपूर्वक ऊपचार केले नसल्याने जीव गमवावा लागला आहे. ऊपचारात झालेल्या हलगर्जीपणामुळे रोजंदारी  करणाऱ्या युवकाचे कुटुंब ऊघड्यावर पडले असून त्याचे  १० व १२ वर्षाची मुले व वृद्ध आई असे कुटुंब आहे.                             सी.पी.आर. रुग्णालयात हुपरी आरोग्य केंद्राच्या सल्ल्या नुसार दाखल केले .सी.पी.आर. येथील महिला वैद्यकिय अधिकारी यांना दंश झालेला सर्प विषारी असून रुग्णावर तातडीने ऊपचार करणेची विनंती नातेवाईकांनी केली. सोबत दंश केलेला मृतसर्प  सोबत आणून तो नाग सर्प असलेचे विनवनी करत असतानाही वैद्यकिय अधिकारी य...

मुख्यमंत्री यांच्याकडून इचलकरंजीतील मुस्लीम समाजाची प्रशंसा              कोल्हापूर (लक्ष्मीपुत्र)- कोरोनाच्या संकटकाळात पवित्र रमजान ईद दिवशी मुस्लिम समाजाने इंदिरा गांधी सामान्य रुग्णालयातील अतिदक्षता (आयसीयु) विभाग सुरु करण्यासाठी दिलेले योगदान अतुलनीय आहे. जात-पात, धर्म-भेद बाजूला ठेवून  कोरोनाच्या उच्चाटनासाठी एकजुटीने लढा देण्यासाठी इचलकरंजीतील हे योगदान आदर्शवत आहे, असे गौरवोद्गार मुख्यमंत्री उध्दव ठाकरे यांनी काढले.            इचलकरंजीमधील समस्त मुस्लिम समाजाच्या देणगीतून इंदिरा गांधी सामान्य रुग्णालयात सुरु अतिदक्षता विभागाचे मुख्यमंत्र्यांनी आज ऑनलाईन लोकार्पण केले. यावेळी ते बोलत होते. बोलत होते. यावेळी सार्वजनिक आरोग्य राज्यमंत्री राजेंद्र पाटील-यड्रावकर उपस्थित होते.          कोरोनाच्या पार्श्वभूमीवर शासनाच्यावतीने केलेल्या आवाहनानुसार समस्त मुस्लिम समाजाने ईदमधील अनावश्यक खर्चाला फाटा देत रमजानच्या पवित्र महिन्यातील जकात, सदका आणि इमदादची रक्कम कोरोना विरुध्दच्या लढाईसा...

शिवसेना कोल्हापूर जिल्हाप्रमुख मुरलीधर जाधव यांचे मुख्यमंत्री उध्दवजी ठाकरे यांच्याबरोबर व्हिडिओ काॅन्फरसव्दारे संवाद            हुपरी लक्ष्मीपुत्र (विनोद खोत) - महाराष्ट्रातील महाविकास आघाडी सरकारने सर्पूण राज्यातील स्थानिक स्वराज्य संस्थांमार्फत गावा गावांतील प्रमुख ठिकाणी हात धुण्यासाठी हॅन्ड वाॅश स्पाॅटस ( हॅन्ड वाॅश किओस्क ) ची संकल्पना राबवावी. तसेच राज्यातील सर्व कामगारांचे संसार उभे करण्यासाठी मनरेगा अंतर्गत रोजगार हमी योजनेतून ग्रामीण रुग्णालय, शाळा, सामाजिक दृष्ट्या उपयोगी ठिकाणे उभी करण्यासाठी कामे हातात घेणे विषयी मागणी शिवसेना कोल्हापूर जिल्हा प्रमुख मुरलीधर जाधव यांनी राज्याचे मुख्यमंत्री उध्दवजी ठाकरे यांच्या कडे ( व्हिडिओ काॅन्फरस ) व्दारे संवाद करताना केली आहे.            शिवसेना हुपरी शहर कार्यालयातून संवाद साधताना पुढे म्हणाले, जनतेसाठी नव्या हेल्थ पॉलिसीची उभारणी करावी, मुंबई व पुणे येथे प्रायोगिक तत्त्वावर सुरू केलेल्या भाजीपाला बास्केट घरपोच योजनेची राज्यात सुरूवात करावी, कोल्हापूर जिल्ह्यातील कोल्ह...

अध्यक्षपदी विजय थोरवडे तर महासचिवपदी अनिल वीर          मोरगिरी लक्ष्मीपुत्र (दिपक मांडावकर) -  सिव्हिल राईट्स प्रोटेक्शन संघटना,भारत  या संघटनेची जिल्हा कार्यकारिणीत अध्यक्ष म्हणून विजयराव थोरवडे तर महासचिव अनिल वीर यांच्या नियुक्ती जाहीर करण्यात आलेल्या आहेत.          वरिष्ठांच्या आदेशान्वये पश्चिम महाराष्ट्राचे अध्यक्ष संदीप फणसे  यांनी नियुक्त्या जाहीर केलेल्या आहेत.उर्वरित पुढील प्रमाणे आहेत. कार्याध्यक्ष - सुशील कांबळे (वडुज), कोषाध्यक्ष - अशोक भालेराव (महाबळेश्वर ), प्रमुख संघटक - प्राणलाल माने (पाटण), संघटक - दिलीप जैन (खंडाळा), प्रसिद्धीप्रमुख - अंकुश शिवाजी चव्हाण (दहिवडी), प्रमुख मार्गदर्शक - संजय डुबल (पाटण, पत्रकार), उपाध्यक्ष - प्रा. रमेश म्हस्के (सातारा), मनोहर सावंत (सातारा ) व  अमोल वाघमारे ( सातारा ग्रामीण ), चिटणीस -  भीमराव घोरपडे (फलटण ), किरण गायकवाड (कराड शहर ) व राहुल रोकडे (पाटण), जिल्हा समन्वयक - शरद मस्के (कराड ग्रामीण), आदेश गंगावणे (सातारा ग्रामीण ), गणेश भोसले (वडुज) व सिद्धार्...

कृष्णा हॉस्पिटलमधून 2 कोरोनामुक्त रुग्णांना डिस्चार्ज              कराड (लक्ष्मीपुत्र) - येथील कृष्णा हॉस्पिटलमधील कोरोना वॉर्डमध्ये उपचार घेत असलेल्या वनवासमाची येथील 24 वर्षीय युवक आणि 75 वर्षीय वृद्ध महिला या दोन कोरोनामुक्त झालेल्या रुग्णांना आज टाळ्यांच्या गजरात डिस्चार्ज देण्यात आला. आत्तापर्यंत कृष्णा हॉस्पिटलमधून एकूण 56 कोरोनामुक्त रुग्णांना डिस्चार्ज देण्यात आला आहे.               कृष्णा चॅरिटेबल ट्रस्टचे चेअरमन डॉ. सुरेश भोसले यांनी या कोरोनामुक्त रुग्णांचे पुष्पगुच्छ देऊन अभिनंदन केले. यावेळी कृष्णा हॉस्पिटलचे वैद्यकीय संचालक डॉ. ए. वाय. क्षीरसागर, कृष्णा अभिमत विद्यापीठाचे सहाय्यक कुलसचिव एस. ए. माशाळकर, डॉ. संजय पाटील, डॉ. रोहिणी बाबर यांच्यासह हॉस्पिटलचा अन्य स्टाफ उपस्थित होता.

 राष्ट्रवादीतर्फे डाॅक्टर्सना फेस शिल्ड, एन 95 मास्कचे वाटप - सत्यजितसिंह पाटणकर                पाटण लक्ष्मीपुत्र (श्रीगणेश गायकवाड) - पाटण विधानसभा मतदारसंघात कोरोना महामारीविरूद्ध सर्वच यंत्रणानी केलेल्या कार्याला निश्चितच सार्वत्रिक सलाम आहे. या कोरोना योद्ध्यांना प्रोत्साहन देताना त्यांच्यासाठी यथाशक्ती जे जे शक्य आहे ते ते करण्याचा व त्यांच्या पाठीशी खंबीरपणे उभे रहाण्यासाठी राष्ट्रवादी काँग्रेसचा नेहमीच पुढाकार राहीला आहे. देशाचे नेते खा. शरद पवार व राज्याचे माजी मंत्री विक्रमसिंह पाटणकर यांनी घालून दिलेल्या आदर्शावर आपली वाटचाल सुरू आहे. येथून कोरोना हद्दपार होईपर्यंत या सर्वच यंत्रणाच्या पाठीशी आपण ठामपणे उभे राहूया असे आवाहन राष्ट्रवादी काँग्रेसचे नेते सत्यजितसिंह पाटणकर यांनी केले.                कोरोना महामारीत महत्वाचे योगदान व भुमिका बजावणाऱ्या डाॅक्टर्सना विक्रमसिंह पाटणकर यांच्या मार्गदर्शनाखाली राष्ट्रवादी काँग्रेस पक्षाच्या वतीने मास्क शिल्ड व एन 95 मास्कचे वाटप करण्यात आ...

नाडॊली गावची सुरक्षा सुट्टीवर आलेल्या जवानांच्या हातात            मोरगिरी लक्ष्मीपुत्र (दिपक मांडावकर) - पाटण तालुक्यातील डेरवन येथे १० वर्षाचे लहान बाळ कोरोना पॉझिटिव्ह सापडले आणि पाटण तालुक्यात भीतीचे वातावरण निर्माण झाले. त्या लहान बळावर उपचार करून त्याला कोरोना मुक्त करणे हे मोठे आव्हानं होते. पण कृष्णा हॉस्पिटलच्या टीमने अथक प्रयत्न करून या बाळाला कोरोना राक्षसापासून वाचवले आणि पाटण तालुका कोरोनामुक्त करून तालुक्याला मोकळा श्वास दिला. मात्र पाटण तालुक्यातील बनपूरी येथील ४३ वर्षीय कोरोना संशयीत महिलेचा मृत्यू झाल्यानंतर संबधित प्रशासनाने त्या महिलेचे स्वँब नमुने घेतले आणि रिपोर्ट आल्यानंतर ती महिला कोरोना पॉझिटिव्ह आढळल्याने पुन्हा पाटण तालुक्यात भीतीचे वातावरण निर्माण झाले.                हळूहळू शिरळ, कुंभारगाव, म्हावशी, बनपूरी, शितपवाडी, भालेकरवाडी, बाचोली, गावडेवाडी, खालकरवाडी, गलमेवाडी, म्हसोली व ढेबेवाडी अशा गावांमध्ये कोरोनाचा शिरकाव होताच पाटण तालुक्यात खळबळ उडाली आहे. पाटण तालुक्यात कोरोनाचा वाढता प्रा...

वीर सेवा दल हुपरीच्यावतीने जनावरांच्यासाठी लसीकरण शिबीर             हुपरी लक्ष्मीपुत्र (विनोद खोत) - वीर सेवा दल हुपरी व पशु वैद्यकीय दवाखाना श्रेणी 1 यांच्या संयुक्त विद्यमाने दरवर्षीप्रमाणे यावर्षीही घटसर्प आणि ठरल्या लसीकरण शिबिर संपन्न झाले.            हुपरीमधील अंबिका नगर, गंगानगर या पूर ग्रस्थ भागातील पशुपालक लोकांनी या शिबिरात भाग घेतला. कोरोना व्हायरसच्या संक्रमनामुळे टप्याटप्याने या शिबिराचे आयोजन करण्यात आले होते.यावेळी वीर सेवा दलाच्या कार्यकर्त्यांनी गुरग्रस्थ भागातील प्रत्येक पशुपालकाच्या गोट्यावर प्रत्यक्ष जाऊन जनावरांना लसीकरण केले. पहिल्या टप्प्यात 302 जनावरांना लस देण्यात आली.            लोकांनी शिबिरात उस्फुर्त प्रतिसाद नोंदविला. शिबिरात पशुवैद्यकीय दवाखान्याचे सौ.डॉ. अनिता कदम यांनी जनावरांची तपासणी करून मार्गदर्शन केले.यावेळी प्रांत प्रमूख अजित पाटील, संघनायक अभिनंदन सौंदत्ते, उपसंघनायक सुनील गाट , बाहुबली नेमीनाथ गाट, सतीश पाटील, अजित (बंडू) पाटील, अभिनंदन पाटील, आशिष म...

सातारा जिल्ह्यात 31 रुग्ण कोरोना बाधित              कराड (लक्ष्मीपुत्र) - सातारा जिल्ह्यात आज रात्री आलेल्या रिपोर्टनुसार 31 रुग्ण कोरोना बाधित  असल्याचे जिल्हा शल्यचिकित्सक डॉ अमोद गडीकर यांनी सांगितले.             कराड तालुक्यातील म्हासोली येथील निकट सहवासीत 30, 50 व 55 वर्षीय महिला, वर्षीय महिला, 65 व 25 वर्षीय पुरुष 9 वर्षाचे बालक.  शमगाव येथील  निकट सहवासीत 42 वर्षीय पुरुष. इंदोली येथील निकट सहवासीत 37 वर्षीय महिला, 15 वर्षीय तरुण , 14 वर्षीय तरुणी व 12 वर्षाची मुलगी असे एकूण 11.            पाटण तालुक्यातील गोकुळ तर्फ पाटण येथील 36 वर्षीय पुरुष, 30 वर्षीय महिला व 2 वर्षाचे बालक असे एकूण 3.  सातारा तालुक्यातील कारी येथील 24 वर्षीय तरुण 57 वर्षीय पुरुष. चाळकेवाडी येथील मुंबई येथून आलेली 35 वर्षीय महिला. मुंबई येथून आलेला माळ्याचीवाडी (कन्हेर) ता. सातारा येथील 27 वर्षीय युवक असे एकूण 4.           जावली तालुक्यातील केळघर येथ...

लोकांना घाबरून न जाता काळजी घेण्याचे केले आवाहन            पाटण लक्ष्मीपुत्र (श्रीगणेश गायकवाड) - पाटण तालुक्यात कोरोनाने केलेल्या शिरकावा मध्ये म्हावशी गावातील पोलीस योध्यास कोरोनाची लागण झाल्याने गावातील ग्रामस्थांमध्ये घबराटीचे वातावरण आहे. या पार्श्वभूमीवर सत्यजीतसिंह  पाटणकर, पंचायत समितीचे सभापती राजाभाऊ शेलार, गटविकास अधिकारी मीना साळुंखे यांच्यासह संपूर्ण तालुका आरोग्य विभाग यानी आज तर रात्री प्रांताधिकारी. श्रीरंग तांबे, तहसिलदार सतीश यादव, गावास भेट दिली.           लोकांनी सोशल डिस्टन्स वापर करावा, सनीटायगर वापरावे, गावातील आरोग्य विभाग, अंगणवाडी सेविका, आशा वर्कर,  स्थानिक कोरोणा अटकाव समितीने घर टु घर सर्वे करण्याच्या सूचना केल्या.             यावेळी सरपंच, ग्रामसेवक, सर्कल, तलाठी, यांनी कोरोनाचा अटकाव करण्यसाठी कंबर कसली आहे.

शांता रामकृष्ण दातार इंग्लिश स्कूल,हुपरी विद्यालयाने विद्यार्थ्यांना दिले मोफत लर्निंग अॅप             हुपरी लक्ष्मीपुत्र (विनोद खोत) - सध्या लॉकडाउन मुळे शाळा व कॉलेज बंद आहेत.पहिली ते आठवीच्या परीक्षा रद्द झालेल्या आहेत, आणि मुले घरात बसून कंटाळलेली आहेत.अश्या परिस्थितीत मात्र रयत शिक्षण संस्थेच्या शांता रामकृष्ण दातार इंग्लिश स्कूल, हुपरी या विद्यालयाने विद्यार्थ्यांना घरबसल्या आनंददायी शिक्षण देण्याचे ध्येय अंगिकारले आहे.               विद्यालयाने अँड्रॉईड फोनच्या माध्यमातून दररोज  ऑनलाईन चाचणी घेऊन मुलांच्या बुध्दीला खाद्य देण्याचा प्रयत्न सुरू केला आहे.विद्यालयातील सर्व वर्गशिक्षकांनी प्रत्येक वर्गाचे व्हाट्सअॅपचे ग्रुप तयार केले आहेत. या ग्रुपवरुन विद्यार्थ्यांची दररोज ऑनलाईन चाचणी घेतली जाते.ज्या विद्यार्थ्यांच्या पालकांकडे अँड्रॉईड फोन नाहीत ते विद्यार्थी शेजारी कोणाचा स्मार्टफोन असेल तर त्याचा उपयोग करतात.               रयत शताब्दी वर्षानिमित्त विद्यालयाने नवनीत प्रकाश...

संघर्षाला साथ हवी या सामाजिक व शैक्षणिक काम करणाऱ्या ग्रुपचा अभिनव उपक्रम           मोरगिरी लक्ष्मीपुत्र (दिपक मांडावकर) - जगभरात थैमान घातलेल्या कोरोना ( व्हायरस ) ने अनेक जणांचा बळी घेतला आहे. यावर प्रतिबंध हाच एकमेव उपाय आहे. कोरोना पार्श्वभूमीवर होणाऱ्या प्रादुर्भावामुळे होणारी जीवीत हानी टाळण्यासाठी प्रतिबंधात्मक उपाययोजनेचा एक भाग म्हणुन संघर्षाला साथ हवी या सामाजिक व शैक्षणिक काम करणाऱ्या ग्रुपच्या माध्यमातून येरफळे गावात दररोज दुध घालण्यासाठी येणाऱ्या शेतकऱ्यांना मास्क चे वाटप करण्यात आले.            तसेच या ग्रुपच्या माध्यमातून मास्क वाटप वेळी शेतकऱ्यांना शोशल डिस्टन्सिंगचे पालन कसे करावे दोन व्यक्तींमध्ये कशा पद्द्तीणे डिस्टन्स ठेवावा या बद्दल माहिती देण्यात आली. त्याचबरोबर शोशल डिस्टन्सिंगचे पालन करण्याचे ही आवाहन करण्यात आले.           केंद्र व राज्य शासनाच्या आदेशाचे पालन करा असेही यावेळी सांगण्यात आले या अभिनव उपक्रमाचे शेतकरी वर्गातून या ग्रुपचे सर्वस्तरावर कौतुक होत आहे. मास्क वाटप ...

कोरोना काळात मुंबई, पुणे व जिल्ह्याबाहेरून आपल्या मुळ गावी येणाऱ्यांना त्रास देऊ नका              मोरगिरी लक्ष्मीपुत्र (दिपक मांडावकर) -  महाराष्ट्र राज्य सैनिकी विद्यार्थी सेना, सातारा जिल्हाध्यक्ष मा. विकास कदम यांनी कोरोनाच्या पार्श्वभूमीवर ऑडिओ कॉन्फरन्सद्वारे पत्रकारांशी संवाद साधला. पत्रकारांशी ऑडिओ कॉन्फरन्सद्वारे बोलताना विकास कदम म्हणाले कोरोना विषाणूचा वाढता प्रादुर्भाव रोखण्यासाठी केंद्र व राज्य सरकारने संचारबंदी म्हणजे लॉकडाऊन चालू केला आहे. केंद्र व राज्य सरकारने चौथा लॉकडाऊन चालू करण्यापूर्वी मुंबई पुणे व राज्याबाहेर लॉकडाऊन काळात अडकलेल्यांना आपल्या मुळगावी जाण्यासाठी उपाय योजना करून त्या यशस्वीरित्या पार ही पडल्या त्याबद्दल केंद्र व राज्य सरकारचे महाराष्ट्र राज्य सैनिकी विद्यार्थी सेना आभारी असुन या निर्णयाचे सर्व स्तरातुन कौतुक होतं आहे. कारण लॉकडाऊन काळात खायच काय जगायचं कस हा प्रश्न सर्वांना पडला होता. ते पुढे म्हणाले संबधीत प्रशासनाच्या अध्यादेशाचे पालन करत मुंबई पुणे कर व राज्याबाहेरून येणारे लोक आपल्या मुळ गावी आल्यावर ...

शैक्षणिक क्षेत्रातील अभिनव प्रयोग;  652  विद्यार्थ्यांना पदवी , पदविका  प्रदान          कराड (लक्ष्मीपुत्र) -   कराड येथील कृष्णा वैद्यकीय विज्ञान अभिमत विद्यापीठाने कोरोना आणि लॉकडाऊनच्या पार्श्वभूमीवर आपला  9  वा वार्षिक दीक्षांत सोहळा व्हर्च्युअल पद्धतीने घेत शैक्षणिक क्षेत्रात एक नवा अभिनव  प्रयोग केला. आजच्या या व्हर्च्युअल दीक्षांत सोहळ्यात विद्यापीठातील विविध अधिविभागातील  652 विद्यार्थ्यांना पदवी प्रदान करण्यात आली.      कोरोनाच्या वाढत्या प्रादुर्भावामुळे सध्या देशभर लॉकडाऊन सुरू आहे. शासनाच्या मार्गदर्शक तत्वांनुसार विद्यापीठांनी संबंधित अभ्यासक्रमांच्या अंतिम परीक्षा झाल्यानंतर  180  दिवसांच्या आत दीक्षांत सोहळा आयोजित करून , विद्यार्थ्यांना पदवी प्रदान करणे आवश्यक असते. पण कोराना काळात जाहीर पद्धतीने दीक्षांत सोहळा आयोजित करणे शक्य नाही. त्यामुळे  कृष्णा विद्यापीठाच्या  व्यवस्थापन मंडळाने व्हर्च्युअल पद्धतीने दीक्षांत सोहळा आयोजित करण्याचा निर्णय घेतला होता. त्या...

मुख्यमंत्री सहयत्ता निधीसाठी १.०० लाख रुपयेचा धनादेश         कराड (लक्ष्मीपुत्र) - कोरोनाचे संकट काळात मुख्यमंत्री सहायता निधीसाठी अनेकजण मदतीचा हात पुढे करीत आहेत.सहकार व पणन मंत्री तथा सातारा जिल्ह्याचे पालकमंत्री बाळासाहेब पाटील यांच्याकडे मुख्यमंत्री सहायता निधीसाठी धनादेश देणाऱ्यांची संख्या दिवसेंदिवस वाढत आहे. कराड जिमखाना यांनी सामाजिक बांधिलकी जपत मुख्यमंत्री सहयत्ता निधीसाठी १.०० लाख रुपयांचा धनादेश नामदार बाळासाहेब पाटील यांच्याकडे आज सुपूर्द केला.        कोरोना (कोविड १९)विषाणूचा संसर्ग वाढू नये म्हणून राज्य सरकारने लॉकडाउन वाढवला असून सरकारच्या उत्पन्नच्या स्रोतावर मर्यादा आल्या आहेत. शासनाने केलेल्या आवाहनास प्रतिसाद देत अनेक संस्थांमार्फत व वैयक्तिक पातळीवर मदत केली जात आहे.

18 तारखेला मुंबई वरून आल्यानंतर मृत्यू पावलेल्या व्यक्तींचाही समावेश      कराड (लक्ष्मीपुत्र) - आज रात्री प्राप्त अहवालानुसार क्रांतीसिंह नाना पाटील सर्वसाधारण रुग्णालय, सातारा येथील 4 (चिंचनेर लिंब ता.सातारा येथील मुंबई वरून आलेला 30 वर्षीय युवक, गादेवाडी ता. खटाव येथील 30 व 32 वर्षीय पुरुष तसेच रुग्णालयात दाखल असलेल्या नातेवाईकाच्या निकट सहवासातील 9 वर्षाची मुलगी), वेणूताई चव्हाण उपजिल्हा रुग्णालय, कराड येथील 3 (म्हासोली ता. कराड येथील 22 वर्षीय युवती  व 28 वर्षीय पुरुष तसेच मेरुएवाडी येथील 33 वर्षीय पुरुष), उपजिल्हा रुग्णालय, फलटण येथील 2 (कोळकी येथील 74 वर्षीय पुरुष व फरडवाडी, ता. माण येथील 50 वर्षीय पुरुष), ग्रामीण रुग्णालय, वाई येथे कवठे ता. खंडाळा येथील 33 वर्षीय पुरुष, कृष्णा मेडिकल कॉलेज, कराड येथे दाखल म्हासोली ता. कराड येथील  50 वर्षीय निकट सहवासित अशा एकूण 11 जणांचे अहवाल पॉझिटिव्ह आले असून यापैकी फलटण येथील 74 वर्षीय पुरुषाचा 18 रोजी मुंबई वरून प्रवास करून आल्यानंतर मृत्यू झाला होता त्याचाही अहवाल पॉझिटिव्ह आला असल्याची माहिती जिल्हा शल्यचिक...

ज्ञानदीप को.ऑप.क्रेडिट सोसायटी लि. मुंबई यांच्यावतीने मुख्यमंत्री सहयत्ता निधीसाठी मदत        कराड (लक्ष्मीपुत्र) - कोरोनाचे संकट काळात मुख्यमंत्री सहायता निधीसाठी अनेकजण मदतीचा हात पुढे करीत आहेत.सहकार व पणन मंत्री बाळासाहेब पाटील यांच्याकडे मुख्यमंत्री सहायता निधीसाठी धनादेश देणाऱ्यांची संख्या दिवसेंदिवस वाढत आहे. ज्ञानदीप को.ऑप.क्रेडिट सोसायटी लि. मुंबई यांनी सामाजिक बांधिलकी जपत मुख्यमंत्री सहयत्ता निधीसाठी ५१ लाख रुपयांचा धनादेश नामदार बाळासाहेब पाटील यांच्याकडे आज सुपूर्द केला.        कोरोना (कोविड १९)विषाणूचा संसर्ग वाढू नये म्हणून राज्य सरकारने लॉकडाउन वाढवला असून सरकारच्या उत्पन्नच्या स्रोतावर मर्यादा आल्या आहेत. शासनाने केलेल्या आवाहनास प्रतिसाद देत अनेक संस्थांमार्फत व वैयक्तिक पातळीवर मदत केली जात आहे. त्याचप्रमाणे ज्ञानदीप को.ऑप.क्रेडिट सोसायटी लि. मुंबई यांनी सामाजिक बांधिलकी जपत मुख्यमंत्री सहयत्ता निधीसाठी ५१ लाख हजार रुपयांचा धनादेश महाराष्ट्र राज्याचे सहकार व पणन मंत्री नामदार बाळासाहेब पाटील यांच्याकडे सुपुर्द केला. संचा...

सातारा जिल्ह्यात एकूण 8 जणांचा अहवाल पॉझिटिव्ह 10 जणांचे अहवाल आले निगेटिव्ह तर 32 जणांना केले दाखल           क राड (लक्ष्मीपुत्र) - क्रांतीसिंह नाना पाटील सर्वसाधारण रुग्णालय, सातारा येथे दाखल असलेला   लोणंद येथे मुंबई येथून प्रवास करुन आलेला एक 33 वर्षीय पुरुष व मायणी ता. खटाव येथील अकोला येथून प्रवास करुन ओलेले  55 वर्षीय पुरुष व 48 वर्षीय महिला तसेच कृष्णा मेडिकल कॉलेज, कराड येथे म्हासोली गावातील कोविड बाधित रुग्णाचे निकट सहवासित दोन पुरुष अनुक्रमे 45 व 62 वर्षे आणि तीन महिला अनुक्रमे 48, 35 व 60 वर्षे असे एकूण 8 जणांचा अहवाल कोरोनाबाधित आल्याची माहिती जिल्हा शल्यचिकित्सक डॉ. आमोद गडीकर यांनी दिली. तसेच मुंबई येथील रुग्णालयात उपचार घेऊन आलेली 58 वर्षीय खंडाळा येथील एका महिलेचा अहवाल कोविड बाधित आल्याने या महिलेला  क्रांतीसिंह नाना पाटील सर्वसाधारण रुग्णालय, सातारा येथे दाखल करण्यात आले आहे. या रुग्णावर मुंबई येथे उपचार झाल्याने तीची गणना मुंबई येथे केली असल्याने या जिल्ह्यात गणाना केली जाणार नाही. 10 जणांचे अहवाल आले निगेटिव्...

कोरोना वॉरियर्स पुरस्काराने पोलिस निरीक्षक राजेंद्र मस्के  सन्मानित           हुपरी लक्ष्मीपुत्र (विनोद खोत) - कोरोना व्हायरस ने संपूर्ण जगात हाहाकार उडिवला आहे. भारत लॉकडाऊन सुरू आहे. कोरोना विषाणूची चेन खंडित करण्यासाठी नागरिकांनी बाहेर न पडता घरीच बसायचे आणि या शत्रूला नेस्तनाबूत करायचे, गेली दोन महीने हुपरीचे पोलिस निरीक्षक राजेंद्र मस्के आणि त्यांच्या टीम ची धावपळ पहाटे 4 पासून चोवीस तास ही मंडळी कार्यरत आहेत. आपल्या देशबंधूंना कोरोणाची लागण होऊ नये यासाठी धड्पड्ताहेत, त्यासाठी त्यांना आविष्कार फौंडेशन ने कोरोना वॉरियर्स पुरस्कार देऊन सन्मानित केले आहे.           गेली अनेक दिवस पोलीस निरीक्षक मस्के हें रात्रीचा दिवस करुन जनतेचे कोरोना पासून रक्षणच करीत आहेत. लोकाना किराणा माल, पाणीपुरवठा आणि औषध आदी जीवनावश्यक वस्तू मिळाव्यात यासाठीही मस्के राबत आहेत. लोकांना दिलासा द्यायचा, त्यांना गर्दीपासून परावृत्त करायचे यासाठी ते झटत आहेत. मी पाहिले की हुपरी परिसरातील लॉकडाऊन इतर शहरांपेक्षा कितीतरी सरस आहे. आपले घरदार विसरून हें प...

कृष्णा अभिमत विद्यापीठाचा 21 मे रोजी व्हर्च्युअल पद्धतीने दीक्षांत सोहळा             कराड (लक्ष्मीपुत्र) - कोरोना आणि लॉकडाऊनच्या पार्श्वभूमीवर कराड येथील कृष्णा वैद्यकीय विज्ञान अभिमत विद्यापीठाने 21 मे रोजी व्हर्च्युअल पद्धतीने वार्षिक दीक्षांत सोहळा आयोजित करण्याचा निर्णय घेतला आहे. या व्हर्च्युअल दीक्षांत सोहळ्यात 2019-20 या शैक्षणिक वर्षातील विद्यार्थ्यांना पदवी, पदविका व प्रमाणपत्र अभ्यासक्रमांची पदवी प्रदान करण्यात येणार आहे.             कुलगुरू डॉ. नीलम मिश्रा यांच्या अध्यक्षतेखाली विद्यापीठाच्या व्यवस्थापन मंडळाची बैठक 15 मे रोजी व्हर्च्युअल पद्धतीने घेण्यात आली. शासनाच्या मार्गदर्शक तत्वांनुसार संबंधित अभ्यासक्रमांच्या अंतिम परीक्षा झाल्यानंतर 180 दिवसांच्या आत दीक्षांत सोहळा आयोजित करून, विद्यार्थ्यांना पदवी प्रदान करणे आवश्यक असते. पण कोराना काळात जाहीर पद्धतीने दीक्षांत सोहळा आयोजित करणे शक्य नाही. त्यामुळे विद्यापीठाचे मुख्य सल्लागार डॉ. वेदप्रकाश मिश्रा यांच्या मार्गदर्शनानुसार व्यवस्थापन मंडळाने 21 मे रोजी ...

तालुका विधी सेवा प्राधिकरणाने बजावली तिसऱ्या डोळ्याची भूमिका                    कराड (लक्ष्मीपुत्र) - देह विक्री करणाऱ्या वारांगना.... टाळी वाजवत येणारे तृतीयपंथी.... अन् रस्त्यावर विवस्त्रपणे फिरणारे वेडसर माथेफिरू.... कोरोना सारख्या महाभयानक साथीच्या आजारातही समाजाच्या मूळ प्रवाहापासून शेकडो कोस दूर असणारा हा दुर्बल आणि उपेक्षित घटक.... सोफिस्तिकॅटेड लोकांच्या गरिबीच्या व्याख्येत न बसणाऱ्या या घटकालाही उदर आहे.... पोटातील आगीमुळे यांच्याही जीवाची लाहीलाही होत असेल, या भावना जाणून स्वतः दिव्यांग असतानाही कोरोनाच्या पार्श्वभूमीवर दीनदुबळ्यांच्या आयुष्यातील आर्थिक आणि मानसिक विकलांगपण दूर करण्यासाठी अहोरात्र झटत असणारे कराड तालुका विधी सेवा समितीचे अध्यक्ष तथा जिल्हा न्यायाधीश एस. ए. ए. आर. औटी व विधी स्वयंसेवक अनंत लादे यांनी या समाजातील उपेक्षित घटकांना मदत पोहोचवून त्यांच्या मूलभूत हक्कांचे संरक्षण करून त्यांच्या जीवनात  गारवा आणण्याचे काम केले आहे.                 महाराष्ट्र राज्य व...