कोल्हापूर येथे वीरशैव लिंगायत तेली समाज भव्य राज्यस्तरीय वधुवर व पालक परिचय स्नेहमेळावा

कराड (लक्ष्मीपुत्र) - कोल्हापूर लिंगायत तेली समाज अंतर्गत भव्य राज्यस्तरीय वधुवर व पालक परिचय स्नेहमेळावा रविवार दि. २२-१२-२०१९ रोजी सकाळी ९ वाजलेपासून सायं. ५ वाजेपर्यंत केशवराव भोसले नाटयगृह, खासबाग मैदान शेजारी, कोल्हापूर येथे आयोजित केला आहे असे कोल्हापूर अध्यक्ष गजानन शंकर सावर्डेकर, उत्सव कमेटी अध्यक्ष बाळासाहेब सि. साव्यान्नावर (सी.ए.), कार्याध्यक्ष सुनिल गाताडे, सेक्रेटरी सदाशिव शंकर माळकर, भुपाल रंगमाले, शिवमुर्ती झगडे यांनी कळविले आहे.

महाराष्ट्रात मोठया प्रमाणात वीरशैव लिंगायत तेली समाज आहे. यंदा ज्यांना कर्तव्य आहे अशा तरूण-तरूणांनी त्यांचे घरातील आणि समाजातील जेष्ठांच्या आर्शिवादाने अनुरूप जोडीदार शोधण्यासाठी भव्य राज्यस्तरीय वधू-वर परिचय मेळावा तसेच समाजाची प्रगती हेच आमचे ध्येय असल्याने समाजाचा विकासात्मक दृष्टीकोन विचारात घेवून समाजातील लोकांना संघटीत करून समाजाचे प्रश्न व अडचणी सोडवणेचे दृष्टीने समाज स्नेहमेळाव्याचे आयोजन करण्यात आले आहे तरी या मेळाव्याचा जास्तीत जास्त तरूण, तरूणींनी लाभ घ्यावा असे आवाहन सातारा जिल्हा संपर्क प्रमुख डॉ. सुधाकर बेंद्रे, सातारा जिल्हाध्यक्ष श्री. राजेंद्र लोखंडे, सातारा जिल्हा उपाध्यक्ष संदीप मुंढेकर तसेच कराड दक्षिणचे अध्यक्ष दत्तात्रय तारळेकर यांनी केलेले आहे.